Un pareha australiano cu tabatin cuater jiu caba entre 1 y 10 aña di edad a duna bon bini na e bebenan algun dia pasa. Awor nan ta bisa cu nan lo mester cumpra un auto di 10 stoel.
E mayoria di e mayornan ta kere cu nan jiunan ta unico den un miyon, pero e cuatro ruman muher identico aki, concibi na un manera normal, ta unico entre 15 miyon.
Jenitar y Jortham Na’amoana, un pareha di Brisbane, Australia, a duna bon bini na cuater jiu muher dia 14 di juli.
E mama, Jenitar, di 34 aña, a wordo interna den Royal Brisbane and Women’s Hospital cu 25 siman di embaraso pa monitorea su embaraso di alto riesgo. E babynan a nace pa medio di un cesarea na 28 siman y 4 dia.
E mayornan a pone nombernan clasico pa e muchanan: Emily, Harriet, Catherine y Alexa. Nan nombernan, sinembargo, tin un nificacion masha special pa e famia.
