Internacional: Despues di e derota contra Spaña, e capitan argentino no a regresa den e mesun vuelo cu a hiba gran parti di e seleccion. “E dolor ta masha grandi y lo costa pa e herida aki sera,” e astro a bisa den un comunicado.
Lionel Messi a regresa Argentina diamars for di Merca despues di su participacion den e Mundial 2026, den cual e Albiceleste a keda subcampeon, den un avion priva cu a traslade pa Rosario, su ciudad natal, caminda e no tabatin contacto ni a saluda e fanaticonan cu a spera su yegada durante marduga.
E astro a toca tera rond di 6:30 am procedente di Miami, Merca, den e aeropuerto internacional di Rosario (provincia di Santa Fe) y a wordo transporta den un vehiculo special y blinda pa jega, caminda su famia tin un residencia den un bario exclusivo.
Segun medionan local, Messi lo keda eynan durante e proximo dianan hunto cu su famia pa un vacacion prome cu e mester regresa pa incorpora su mes na e entrenamentonan di Inter Miami, su ekipo di e liga di futbol mericano.
E capitan di e seleccion argentino no a regresa den e mesun vuelo cu a traslada e seleccion y e delegacion for di New York, kendenan a wordo ricibi pa un multitud cu hopi entusiasma na aeropuerto internacional di Ezeiza, kendenan a compaña nan te cu e tereno di entrenamento serca di e Asociacion di Futbol Argentino (AFA).
