internacional: Un temblor fuerte den e parti sur di Mexico a sacudi e paisnan bisiña Guatemala y El Salvador diabierna, unda cu e Instituto Geologico di Merca (USGS) a midi su magnitud preliminar na 7.3.
E epicenter di e temblor tabata situa 48 kilometer zuidwest di Aquiles Serdán, un pueblo den e estado costera Mexicano di Chiapas, segun USGS.
E temblor ta parse di a causa un sacudimento modera te fuerte na e costa. E Centro di Alerta di Tsunami di Pacifico a spierta cu olanan peligroso di tsunami por ta posible dentro di 300 kilometer di e epicenter. Olanan di tsunami te cu un meter mas halto cu e nivel di e lama ta posible pa e costanan di Guatemala y Mexico, e centro a bisa.
Cuerpo di Bombero di El Salvador tambe a reporta cu te asina leu no a nota ningun daño den e pais.
Varios repeticion di temblor (aftershocks) a wordo sinti den e region, incluyendo un cu un magnitud preliminar di 6.0, segun USGS.