Internacional: Reskatistanan Pakistani a haya restonan di un avion di karga Boeing den un operashon di buskeda den alta mar e diaranson aki, 12 ora despues di su desaparishon dilanti di e kosta di Karachi. Sinembargo, e trabounan pa topa e cinco miembronan di tripulashon cu tabata abordo ta continua, asina autoridadnan a informa.
E restonan di e Boeing 737 di carga di K2 Airways a wordo recupera na 53 miya nautico (98 km) zuid di e puerto di Ormara, asina e Autoridad Aeropuerto di Pakistan a informa.
Armada di Pakistan y e Agencia di Seguridad Maritimo di Pakistan a desplega “diferente recurso aereo y maritimo” pa localisa e restonan, e autoridad a agrega, señalando cu e operacion di buskeda ta continua pa topa e tripulantenan.
Prome Minister Shehbaz Sharif a ordena autoridadnan pa acelera e buskeda di e avion di carga reberti, cu tabatin 27 aña di bieu, cual a desaparece den Mar Arabico despues di a reporta un problema den su sistema di navegashon.
K2 Airways, e aerolinea operado, a informa cu e tripulashon tabata consisti di dos piloto, dos ingeniero y un miembro di e personal di apoyo. Autoridadnan no a duna ningun declarashon oficial tocante nan estado, aunke Sharif a expresa su mas profundo condolencia na nan famia.
Autoridadnan a inicia un operashon coordina di buskeda y reskate den mar pa medio di diferente agencia, asina e Autoridad Aeroportuario di Pakistan a informa riba Facebook. K2 Airways a declara cu nan tabata cooperando cu e Autoridad di Aviashon Civil di Pakistan y otro agencianan gubernamental. Boeing no a duna declaracion ainda.
Segun e servicio di seguimento di vuelo Flightradar24, e avion por a cay den mar zuidwest di Karachi despues di un serie di cambio abrupto di altitud prome cu un descenso final structuralmente vertical.
E avion a baha rapidamente
Control di trafico aereo local a purba di guie, pero tres minuut despues e sistemanan di radar a mustra cu e avion tabata baha rapidamente y a perde comunicacion, asina e autoridad a indica. E buelo tabata na mas o menos 155 milla nautico (287 km) west di Karachi na e momento ey, segun e comunicado.