Internacional E aeropuertonan internacional di Venezuela, excepto esun principal di e pais cu ta sirbi Caracas, ta operativo despues di e teremotonan di diaranson, asina e presidenta di e Asociacion di Lineanan Aero na Venezuela (ALAV), Marisela De Loaiza, a confirma diahuebs na EFE. “Ya un nota a sali indicando cu tur e aeropuertonan internacional ta operativo excepto Maiquetía”, De Loaiza a bisa EFE, haciendo referencia na un boletin di Instituto Nacional de Aeronáutica Civil (INAC) na cual e tabatin acceso pero cu no a wordo haci publico ainda.
E Aeropuerto Simón Bolívar di Maiquetía, cu ta sirbi Caracas y ta e principal di e pais, a wordo cera diaranson debi na e dañonan grave cu el a sufri, p’esei algun linea aero, entre nan Iberia, Air Europa y Plus Ultra, a cancela nan vuelonan di diahuebs riba e ruta Madrid-Caracas. Segun medionan Venezolano a difundi, manera El Nacional, e pistanan di e aeropuerto a sufri fracturanan fuerte y skeurnan den e asfalt, manera por mira riba e imagennan.
Segun e medio menciona ta indica, e daño na e infrastructura ta especialmente grave riba e pista principal, cu a keda “completamente inhabilita” y ta enfrenta e “riesgo di colapso bou di e peso di avionnan comercial”. E equiponan di mantencion y obra ta centra riba e pista secundario y riba e pista cortico pa determina si nan a sufri daño cu por compromete nan operatividad in futuro.
E situacion na e nodo aero principal di Venezuela a obliga algun linea aero, entre nan Iberia, Air Europa y Plus Ultra, pa cancela nan vuelonan di diahuebs riba e ruta Madrid-Caracas. Di su banda, e compania Panameño Copa Airlines a anuncia diaranson anochi e cancelacion di e vuelonan pa Caracas. Diahuebs, el a suma na e medida e vuelonan cu tabatin como destino Barquisimeto, Valencia y Barcelona, pero horanan despues el a informa cu lo reanuda e vuelonan pa e tres ciudadnan aki.