Segun e Servicio Nacional di Clima (NWS), tambe lo tin un 150 miyon di hende bou di risico menor pa e calor, y otro 83 miyon bou di risico modera. Cu inicio di e tempo di verano, un ola di calor mas bien intenso y peligroso lo pone casi 75 miyon di hende na Merca bou di un risico halto of extremo. Bou di risico halto tin un calcula di 65.5 miyon di habitante, y bou di risico extremo tin un 9.4 miyon di hende.
E calor intenso aki lo wordo sinti den e zona west, zuidwest y e zuid (Southern Plains) y Florida te cu fin di siman. E pronostico ta señala cu “na diferencia di un masa di aire inusualmente frieuw y seco cu ta avansa for di e parti nort pa e ‘Great Lakes’, e noreste y e costa atlantico central structuralmente tras di un front frieuw, algun zona di west, e partinan di zuid y Florida lo sigui sufri di un calor intenso durante e proximo dianan”. Nan ta enfatisa cu “e temperaturanan maximo den e regionnan aki afecta pa e calor lo sigui ta varios grado ariba lo normal, locual a conduci na varios aviso di calor y alerta pa calor extremo”.
E humedad halto hunto cu e temperaturanan abrumador ta aumenta significativamente e risico pa sufri di enfermedadnan relaciona cu calor. Fuera di esey, e temperaturanan record durante oranan di anochi ta stroba e curpa di recupera di e calor di dia. Pa e motibo aki, e Servicio Nacional di Clima ta recomenda pa limita e tempo di actividad pisá for di cas, priorisa den sombra of den airco, mantene bo curpa hidrata y bisti paña light y comodo. Florida: calor extremo y biento for di Sahara Despues di varios dia di awasero torencial den e zonanan rural di e condadonan di Escambia y Santa Rosa, por spera un tiki alivio, pero esaki ta bin acompaña pa un calor extremo. E siman aki, un otro masa di aire di Sahara ta drentando Florida, locual ta reduci e probabilidad di awasero den e zonanan zuid di e estado (cu a wordo afecta pa candela di mondi), y e ta contribui na un concentracion pa formacion di ciclonnan tropical cu por lo pronto lo por extendé bay hopi mas leu di e fiesta di 4 di juli.
