Un muhe Canades a purba di smuggle un python real (koningspython) den su bh dialuna pa drenta avion. El a wordo gara na e control di siguridad na Schiphol, asina Autoridad Hulandes di Siguridad di Cuminda y Consumo (NVWA) a reporta.
E muhe a declara cu el a haya e colebra serca di un hotel na Amsterdam. “Esey ta parse nos hopi dificil pa kere”, segun e NVWA. A confisca e serpiente.
E pythonnan real no ta venenoso. E colebranan aki ta conoci pa ta trankil y no agresivo. Hopi biaha hende ta tene nan tambe como mascota den un acuario.
Castigabel pa ley
A traha un proces-verbal contra e muhe. “Bo no por djis hiba animalnan proteha riba viahe, ni maske bo a haya nan riba caya”, e NVWA a skirbi.
A hiba e python real na un centro di acohida specialisa pa animal, manera semper ta pasa ora confisca un animal. E NVWA a bisa cu e bienestar di e animal ta importante y cu awor e ta na un miho luga den e centro di acohida.
