Internacional: Mas di 20.000 persona cu a keda sin cas ta bibando den campamentonan den stadion, plasa y te hasta riba acera. Esaki ta loke e presidente di Venezuela a bisa.
E presidente di Venezuela, Delcy Rodríguez, a priminti di entrega 4.000 cas pa december na esnan afecta pa e dobel temblor fuerte di casi un luna pasa. E temblornan consecutivo di magnitud 7,2 y 7,5 cu a dal e parti nort di Venezuela dia 24 di juni, specificamente e estado costero La Guaira, considera e zona cero di e temblornan.
Segun informe oficial di e dialuna aki, por lo menos 5.278 persona a muri y casi 17.000 a keda lesioná. Mas di 20.000 persona cu a keda sin cas ta bibando den campamentonan den stadion, plasa y te hasta riba acera.
“For di aki, luna di juli, pa e luna di december nos lo ta entregando 4.000 cas. E entrega lo ta mensualmente,” e mandataria a priminti durante un entrega di cas “completamente ekipa” transmiti na television den e capital.
