Dia Internacional di bisa “No na uzo di Tabaco” ta pa informa mundo completo en specialmente pueblo di Aruba ariba e peligronan ora ta yega na e uzo di tabaco.
Miembronan di World Health Organistation a crea e dia aki na aña 1987 pa crea conscientisacion ariba e epidemia di tabaco y e cifranan halto di morto y malesa cu uzo di tabaco ta trece cu ne. E impacto negativo cu uzo di tabaco tin ariba salud y tambe ariba nos comunidad completo, specialmente nos hobennan ta hopi grandi.
World Health Organisation ta raporta 8+ miyon morto pa aña a causa di e uzo di tabaco. Tabaco ta un di e causanan di mas grandi ora ta papia di problemanan respiratorio manera: Tuberculosis, Chronic Obstructive Pulmonary Disease y diferente otro tipo di problema cu pulmon. Na aña 2008 WHO a pone un stop na cualkier advertencia of promocion di uzo di tabaco.
E tema di e aña aki pa e dia internacional di bisa “No na uzo di Tabaco” ta Commit To Quit. No ta facil ora ta yega e topico di stop di huma pero si tin hopi beneficionan pa bo salud, bo cartera y diferente otro areanan den bo bida.
Ora cu e fluho di sanger ta bon, bo curpa lo ricibi mas oxigeno y nutrientenan importante. E beneficionan ariba e salud mental ta grandi.
Un persona cu stop di huma lo experencia menos:
- Ansiedad, depresion y e nivel di stress lo ta menos
- Hala rosea mas facil
- Mas energia
- Hisa posibilidad pa fertilidad
- Esaki ta duna un miho calidad di bida.
- Beneficionan financiero: Stop di huma por yuda bo spaar mas.
- Boost den bo Sistema inmunologico unda cu lo bo tin menos problema cu griep of otro problemanan respiratorio.
- Menos bishita na dokter y menos placa na remedi.
Uzo di tabaco tin hopi consecuencia ariba nos salud en general, laga e beneficionan menciona aki riba ta un motivacion pa asina abo of un ser keri por minimalisa of stop e uzo di tabaco. Pa cualkier informacion preventivo di e uzo di tabaco bishita Fundacion Anti Droga Aruba na Campanastraat #5 of yama nos na 583-2999.
