Dabierna ultimo, Minister di Enseñansa y Deporte Endy Croes hunto cu colega Minister Geoffrey Wever a atende a apertura di e gym Cuts and Curves na Sero Patrishi. Un proyecto grandi cu hopi lucha di un hoben determina cu a wordo cristalisa e aña aki. A inicia e ceremonia cu nos himno Aruba Dushi Tera, interpreta pa cantante Ghislaine Grant.
Siguientemente, e propietario di gym Jacinto Rasmijn a duna un discurso hopi inspirativo y emocional, unda cu el a gradici su mayornan cu a yud’e yega na su metanan.
Jacinto Rasmijn hunto cu Manual Da Silva a corta cinta cora como acto simbolico pa e inauguracion oficial di e facilidad nobo y ultramoderno di e gym Cuts and Curves. Despues di e ceremonia, Minister Endy Croes hunto cu e invitadonan presente a haya un recorido di e gym.
Minister Endy Croes ta felicita Jacinto, Cindy, pero tambe Chinto, Maria y ful e team cu e gran logro aki.
