Un ciudadano a reporta di a topa cu un turtuga di tal tamayo conoci como caret cu no a logra yega lama ya cu cachonan los riba caya y bandi lama a ataca e turtuga unda te hasta el a perde su bida, debi ne mordinan.
Fundacion turtugaruba a informa riba nan plataforma:
Ayera mainta un persona di mantencion atento a reporta un turtuga herida na nos liña di urgencia den e area di Savaneta. A identifica e turtuga marino aki como un hembra di e especie caret (hawksbill), cual a bini na tera pa pone su webonan. Turtuganan marino por traha nan neshi riba cualkier beach di Aruba, no solamente na Eagle Beach, cual ta e mas conoci debi na e turtuganan dudu (leatherback). E turtuga herida tabatin golpinan compatible cu mordedura di cacho, y a hibe pa un clinica veterinario pa ricibi cuido medico.
Lamentablemente, apesar di e miho esfuersonan pa salbe, el a falece mas laat debi na e gravedad di su heridanan.
E caret ta riba e lista di especie den peliger critico di extincion. Solamente uno ex cada mil chikito ta drenta edad adulto. Ta hopi di lamenta cu el a supera tur contratiempo den su bida, djis pa topa cu e destino aki riba nos beachnan.
Nos ta spera cu e publicacion aki ta lanta mas consenshi tocante e problema di cacho di caya na Aruba. Doñonan responsabel di mascota mester bay man den man cu implementacion mas stret di parti di gobierno di e ley ecsistente (ordenansa uniforma) riba cacho.
