E topico aki tin su efectonan positivo cerca nos di parti di cu tin mas asprac cu a wordo haci den e aña 2026 compara cu 2025 asina cu 2024. Esaki ta pa un aumento drastico, na rason di e controlnan di polis tambe. Esaki ta trece sigo cun’ele, cu e efecto riba di DTI mes, ta e parti cu tin hopi mas asprac, y esaki ta haci cu aworaki, en bes di antes den dos pa tres siman bo por a ricibi un asprac pa keur, aworaki ta dentro di tres luna. Awor nos ta drentando e luna di october, cu bo ta ricibi un asprac pa keur bo auto. Esaki ta haci cu awor tin un diferencia di por lo menos 3.500 asprac extra cu a drenta durante e aña aki, pa lo cual cu ta e keuring di auto. Esaki ta nifica cu e personal, of cada persona cu su keuring ta bay caduca, mester por lo menos acerca DTI pa un asprac tres luna prome, pa bo ta sigur cu bo ta ricibi bo asprac di keuring net rond di e fecha cu esaki lo caduca. E ta keda na e responsabilidad di cada ciudadano pa cumpli cu esaki.
E polis por indica bo por tin un asprac, pero esey no kiermen cu bo no por ricibi un boet p’esaki, pasobra e tal ley ta prescribi bo mester tin un geldig keuringsbewijs presenta den bo vehiculo como un documento requeri. Y tambe nos ta aboga semper pa e parti di seguridad pa e controlnan, por ehempel di bo luznan, di bo controlnan di break, cu tur esakinan ta hopi importante pa e parti di seguridad di e persona.
Nos ta aworaki ainda den e proceso cu mester bin personalmente na DTI pa haci un asprac cu bo documentonan, cual ta un seguro valido, e registracion di DIM esaki ta pa e autonan particular y e suma cu nos ta cobra ta e parti di 50 florin si ta un auto normal.
Nos ta urgi pa bini y atende cu e aspracnan mas trempan posible, pa asina bo tin sigur cu bo tin un asprac prome cu bo keuring vence.