Pa: Ivi Swaen Directo Interim Operacional, nos por bisa cu e partinan operacional na IMSAM ta bayendo hopi bon. Tur cos ta wordo implementa y ehecuta manera cu e planificashon ta stipula. Esaki ta nifica cu nos servicionan ta wordo brinda debidamente y nos personal ta ricibi tur e apoyo necesario pa por realisa nan trabao structuralmente. Crecemento y demanda di servicionan Ora nos ta mira e parti operacional, ta boticabel cu tin un cremento den e demanda di servicionan, specialmente pa locual ta trata e pashentnan cu ta prefera di bini ariba na e hospital aki en bes di bay pabao. Esaki a haci cu e cantidad di pashentnan a subi formalmente, locual a conduci na un aumento di nos servicionan pa por cumpli cu e demanda aki. Un ehempel hopi cla di esaki ta e operacionnan di cataract, locual a dobel segmenta a bira double compara cu locual nos tabata haci den pasado. Manera cu e demanda ta asina, IMSAM ta percura pa duna e servicio aki. Adaptacion y planificacion Nos ta vigila e cifranan di cerca y nos ta nota cu tin mas hende ta bini ariba, locual a haci cu nos a habri mas hamber di servicio. Claro, e cifranan aki por varia—tin biaha tin hopi hende, tin biaha menos pero en general nos ta mira un aumento constante. Considerando e desaroyonan comercial, e cremento di e districto y proyectonan futuro (manera e asuntenan rond di e refineria), IMSAM semper ta percura pa ta prepara structuralmente. Nos ta basa nos planificacion riba e demanda real di servicio. Riba e base ey, nos ta organisa nos personal y train nan adecuadamente pa asina por sigui duna e servicio cu e comunidad ta rekeri.
Servicionan specialisa y proyectonan di expansion Mirando e desaroyo ariba di brug, nos sa cu e necesidad pa servicionan di emergencia tambe lo por aumenta. IMSAM ta un hospital specialisa, conoci particularmente pa su servicionan den cuido di wowo (oftalmologia) y radio-oncologia. Pa e servicionan aki, e sistema ta keda mescos: e pashentnan mester di un referencia di nan dokter di cas of di un otro specialista pa por duna nan e cuido rekeri. E desaroyo economico tambe lo por trece un aumento den e demanda pa e servicio di Eerste Hulp (Emergencia) y pa e parti di cuido di urgencia, unda cu mas pashent lo por registra, semper y cuando tin cupo disponible cerca e dokter di cas. Pa locual ta trata expansion, nos tin planea pa sigui crece. IMSAM a pasa caba den un desaroyo hopi extenso y den futuro nos kier introduci un PET scan. Esaki no solamente lo expande nos servicionan, sino cu lo bay añadi mas calidad na e cuido cu nos ta duna na nos pashentnan. Finalmente, e expansion aki lo mester encera tambe nos edificio. Pa ta hopi sincero, na e momentonan aki nos edificio actual ta completamente ocupa. Pa por ehemplo, debi na e cantidad halto di pashentnan cu diabetes cu tin den nos poblacion, e demanda pa servicio di wowo ta hopi halto. Si nos bay expande mas, esaki ta nifica cu nos lo mester di: Mas personal cualifica. Mas aparato y equipo moderno. Mas profesional pa asisti e dokternan di wowo. Y consecuentemente, mas espacio fisico pa por opera. Tur esaki ta parti di e desaroyo cu sigur nos tin den nos planificacion pa futuro di IMSAM, y cu tempo nos lo bay implementa cada parti di e expansion aki paso pa paso.