Cuerpo Policial Aruba ta informa cu diamars 5 di mei 2026, e sospechoso L.D.I. a presenta den corte den un asina yama “snelrecht zitting” pa cu posesion di dos arma di candela ilegal.
E sospechoso a wordo a sentencia cu castigo di prison di 12 luna (juegddetentie), di cual 6 luna ta condicional y 3 aña di prueba. Ademas Huez a pon’e bao di supervision di Relassering.
Ta trata di e caso na unda diaranson 22 di April 2026 e sospechoso L.D.I. di 18 aña naci na Hulanda, a keda deteni ariba Green Corridor door di Atraco Team. Durante control den e auto cu e sospechoso tabata maneha, e personal di Atraco Team a topa un arma di candela. Despues a sigui cu un investigacion na un cas na Balashi.
Cuerpo Policial Aruba conhuntamente cu Ministerio Publico ta keda corda comunidad cu e accion di “Entreg’e of Nos ta bin busc’e” ta sigui te cu dia 24 di mei 2026. Meta di e campaña ta pa duna tur hende e oportunidad pa deshaci di nan arma di candela ilegal sin nan wordo persigui penalmente pa posesion di esaki.
Haci uzo di e container blauw situa bandi’ warda di polis San Nicolas y na Oranjestad na Wilhelminastraat (ex warda di polis).
Cuerpo Policial Aruba ta keda firme den su compromiso pa garantisa siguridad y trankilidad den nos comunidad, actuando cu determinacion contra posesion ilegal di arma di candela. Haci uzo di e oportunidad aki awor.
Entreg’e of Nos mes ta bin busc’e!