Gobierno ta “muis stil” atrobe riba negociacionnan cu Hulanda

Evelyn Wever-Croes den conferencia di prensa di MEP awemainta a mustra cu Gobierno ta keto keto un biaha mas pa loke ta e negociacionnan cu Staats Secretaris di Hulanda riba e ley di HOFA. Y mas bien ta den prensa nan como Parlamentario ta scucha cu tin negociacionnan andando lugar pero riba kico specificamente no sa tampoco. Aki aya ta escucha cu ta riba cierto cambionan den e ley pero precies kico ta e cambionan, nan como parlamentario no a haya informacion y no ta hayando informacion tampoco. Esaki segun Wever-Croes ta un falta di respect pero alavez ta mustra e man scur cu Gobierno kier goberna nos pais.