Falta di no duna preferencia a causa cu un auto a bay para bou afdak di chalo

Diadomingo anochi riba caminda di Tanki Leendert na altura di chalo ta sosode un accidente serio unda falta di no duna preferencia a causa cu un auto a drenta bou afdak di chalo burger.

Polisnan a keda dirigi di biaha ne sitio. E oficialnan ta topa cu un auto color blauw bou di e afdak unda clientenan ta warda nan cuminda y danki dios no tabatin ningun hende sinta ey sino ta un desgracia, y pabou di caminda un nissan march.

Polis a constata cu e chauffeur di e nissan march a subi caminda net e auto blauw poniendo cu e chauffeur a dal den e march y a perde control baha caminda y bay para bou di e dak di chalo.

Ambulance a presenta y paramedico a brinda asistencia medico ne homber den e march y a keda transporta pa hospital.