N.V. ELMAR a celebra riba 4 di juli e graduacion di e prome grupo di Playa cu a participa na Workshop Klik y Siña, organisa pa ELMAR, un iniciativa enfoca riba empodera adultonan mayor cu habilidadnan digital esencial.
Durante cinco siman, e participantenan di Oranjestad y Dakota a siña con pa uza un computer, navega riba internet, haci pagonan online y familiarisa nan mes cu ELMAR su plataformanan digital e-Connect y e-Billing.
E workshop a wordo facilita pa Sra. Jacqueline Woodley, kende a guia e participantenan durante nan proceso di siñamento y a yuda nan desaroya mas confiansa pa participa den e mundo digital di awendia.
ELMAR ta gradici Sra. Jacqueline Woodley pa su dedicacion y Centro di Bario Dakota pa habri su portanan y brinda e espacio necesario pa haci e programa posibel.
Cu Workshop Klik y Siña, ELMAR ta continua crea oportunidad pa adultonan mayor siña, conecta y move cu mas confiansa den un mundo cada biaha mas digital.
Energia Pa Siña, pasobra e mundo digital ta pa tur edad!
