Diahuebs mainta personalnan di Voogdijraad situa na Avenida Milo Croes a bati alarma debi cu nan a sinti algo manera un temblor ya cu e edificio a cuminsa na sacudi pa algun rato y a haya esaki no normal. A bati alarma di biaha na centro di alarma 911 y brandweer a keda despacha pe sitio.
E personalnan di biaha a sali pafo debi cu no sa kico exacto ta pasando cu e luga a cuminsa tembla y no tabata stop. Bomberonan a haci un inspeccion pero no a topa cu nada for di normal y of scheur ne muraya.
Segun informacion ricibi ta cu posibel buraco den dak lo a pone cu biento fuerte a drenta di foi dak y a pone cu presion di biento lo a pone cu bentana of edificio tabata medio sacudi.
For di Meteo nan no a registra nada di temblor, ta algo cu e edificio esaki lo tabata. Tur e personal a bandona pia di trabou y a bay cas y tin busca un persona pa haci inspeccion pa sa kico a conduci ne sacudimento.
