Diadomingo anochi persona a constata cu desconoci a horta nan utv staciona na cas y tin un gps ne esaki y tabata guia autoridad. Algun persona atento den Palm Beach a capta dos hoben riba un bike electrico a purba na sconde algo bandi mondi y ora a keda gara nan a core bay. Polisnan a rondona area di Palm Beach buscando e sospechosonan hoben. Debi cu tabatin gps ne UTV e persona a haya sa unda nan tabata core rond y informa Polis.
Den area di Kurimiauw a haya e utv para memei caminda bandona, Polis a tuma esaki den beslag y e propetario tambe tabata presente pa Polis por a tuma su dato. Un poco mas pazuid den Turibana a gara e dos hoben coriendo na pia pa huy. A logra di haya algun pertencia riba nan cu ta cuadra cu e descripcion cu personanan a mira.
Polisnan di Noord a sigui controla full den Palm Beach te ora cu a haya e bike electrico horta y bon trabou a haya esaki scondi bandi un mondi pega cu un cas. A tuma e bike aki den beslag y departamento tecnico di Polis tambe a presenta pa saca potret pa tin tur loke e hobennna a haci den file.
