KOREA – Zuid Kore kier drenta den un dialogo dia 21 di Juli cu Noord Korea riba actividadnan militar di e pais bisiña. Esaki lo ta e prome combersacionnan militar desde 2015.
Tambe e pais kier un logra un fin di e actividadnan enemigo den vecindario di e frontera entre e dos Koreanan. Esaki ta loke e vice minister Zuid Koreano di Defensa a bisa dialuna.
Noord Korea a eherce den e ultimo simannan un serie di test, un sumpiña den e wowo di e Zuid Koreanonan.
E minister Zuid Koreano di Defensa a propone pa “tene dialogonan militar” den e edificio di Tongilgak den e ciudad Noord Koreano di Panmunjom, cerca di e frontera.
Eynan tambe a tuma luga e ultimo dialogonan militar entre e dos paisnan.
Presidente
E propuesta a bin mas of menos un siman despues cu e presidente Zuid Koreano Moon Jae-in, a mira e necesidad pa un dialogo cu Noord Korea. Segun e minister, e ta mas cu necesario pa por pone un paro na e programa nuclear Noord Korea.
Fuente: www.nu.nl