CALIFORNIA, Merca – Hefe di Facebook, Mark Zuckerberg, a rechasa diahuebs e idea cu publicacionnan falso comparti riba e red social a traha e caminda pa e victoria di e presidente electo Mericano, Donald Trump.
“E idea cu e noticianan falso riba Facebook, cu ta basta, di cual e contenido ta influencia di algun manera den e eleccion, mi ta kere ta un idea hopi loco,” Zuckerberg a bisa den un chat na un conferencia Technonomy riba tendencianan di tecnologia na California.
E cofundador di Facebook a puntra retoricamente pakico hende por pensa cu por tin storianan engañoso riba un candidato, pero no riba e otro.
Tambe a desestima preocupacionnan di usuarionan di Facebook riba e existencia di “bubbles” unda cu nan so por mira noticia y opinion cu ta haci echo di su propio puntonan di bista.
“E electornan ta tuma nan decision basa riba nan experiencianan biba,” Zuckerberg a bisa. “Uno generalmente no ta kiboca ora cu nan ta confia cu hende ta compronde loke nan ta interesa aden y loke ta mas importante pa nan y uno ta construi sistemanan cu ta refleha esey,” el a añadi. El a expresa cu investigacionnan recompila riba Facebook ta sugeri cu e bubbles ta filtronan nobo y no un problema.
E red social a descubri cu aunke hende kier tin un monton di amigo hopi parecido na nan, casi tur hende riba Facebook tin un hende den su contacto cu ta kibra e formato di algun manera, sea religion, etnicidad of antecedente.
Sin embargo, Zuckerberg a splica, Facebook tambe a descubri cu hende ta menos inclina pa habri vinculo of comparti historianan cu ta diferencia di nan punto di bista.
“E eleccionnan aki a marca un diferencia real na mundo, pero no ta corecto sugeri cu nan ta cambia e arco fundamental di e tecnologia of e progreso den tempo,” Zuckerberg indica.
E aplicacion News Feed a evoluciona riba Facebook desde su prome dianan caminda e tabata sirbi pa comparti redonan personal cu amigo of famianan te ora cu el a converti den un plataforma pa noticianan importante.
Fuente: NTN24