Riba diamars 18 di april e barku di Marina, Zr.Ms. Holland, cu na e momentonan aki ta nabega pa Wardacosta Caribe Hulandes, a detecta un go-fast.
E dos botonan di interceptacion rapido cu na bordo e team di Eskuadron Hulandes (Fleet Marine) di Zr.Ms. Holland a keda lansa pa stop e boto sospechoso. Una bes cu nan a yega serca banda di e boto a duna nan señal pa stop y e sospechosonan a entrega nan mes. E sospechosonan a benta un parti di e contrabanda den lama. E paketenan aki despues a keda saca for di den lama pa un di e botonan di interceptacion rapido.
E peso completo di e paketenan a yega na mas o menos 850 kilo di cocaina. Zr.Ms. Holland a entrega e tres sospechosonan y e droga na Wardacosta cual a entrega e personanan y droga na Cuerpo Polisial di Aruba. Entretanto e droga a keda destrui.
Asina Kustwacht a informa den un comunicado di prensa.