E Barco di Marina Hulandes Zr.Ms. Holland a intercepta dos transporte di droga di droga riba 25 di febrüari, den koperashon ku Marina di Colombia riba Laman Karibe.
E (go-fast) botonan rapido a keda descubri pa medio di un avion di patruya marítimo di Warda Costa Region Caribe y un helicopter di Marina Kolombiano. Hr.Ms. Holland a manda un helicopter embarca di Warda Costa Merikano y e FRISC, un boto rapido, cu un ekipo combina di tripulacion di e barco, y a bay abordo di e destacamento di mantencion di ley di Warda Costa Mericano. Despues di a duna señalnan pa stòp, e go-fast no kier a stòp. Despues di a los algun tiro di atvertimento e presunto contrabandistanan a entrega nan mes. E di dos go-fast a keda detene pa e barco di Marina Kolombiano ARC Victoria. En total 800 kilo di cocaina a keda confisca.
E presunto contrabandistanan y e contrabanda a keda traslada pa Warda Costa Merikano. E presunto contrabandistanan lo keda persigui na Estados Unidos.
Zr.Ms. Holland desde October 2022 a keda desplega como barco patruyero den Region Caribe Hulandes, y ta alterna e lucha contra droga cu apoyo di Warda Costa Region Caribe Hulandes y cu Warda Costa di Estado Unidos di Merka. E barconan Hulandes den Region Caribe tambe ta coopera cu Marina di Colombia den e lucha contra droga.
