E barco di marina real Zr.Ms. Holland a yega awe 15 october, na Willemstad, Corsow. E barco patruyero a tuma e trabou nan over for di Zr.Ms. Groningen cu tin e record den gara un cantidad grandi di droga. E barco Zr.Ms. Holland lo keda patruya den caribe pa e siguiente 7 lunanan.
Marina real na tur momento tin un barco den caribe cu ta wordo uza pa operacionnan anti-droga, anti-traficacion di hende, rescate y brinda ayudo humanitario na isla nan cu sufri na consequencia di temblor y horcan. E barco tambe por wordo uza den cooperacion cu Kustwacht y tambe e Americanonan di Joint Interagency Task Force South.
Diabierna 14 october e barco Zr.Ms. Groningen a yega bek Hulanda na su waf na Den Helder. E barco tabata operando desde mei 2022 pa un cantidad grandi di operacionan den caribe pero caminda mayoria operacionnan a resulta ta combatimento di droga. Nunca antes un barco di marina a yega di gara asina hopi droga durante su periodo di patruya den caribe. Tabata tin un total di 17 caso unda nan a gara diferente droga entre otro mas o menos 15.600 kilo di cocaïna y mas o menos 3500 kilo di marihuana. Pa e aña aki e conteo di droga a yega un total di mas o menos 23.000 kilo y awo e barco Zr.Ms. Holland lo sigui cu e trabou di Zr.Ms. Groningen. Marina real ta traha conhuntamente cu diferente pais den combatimento di droga.