E barco di Marina Real, Zr.Ms. Groningen cu ta nabegando pa Warda Costa Caribe Hulandes, den marduga di 22 pa 23 di mei ultimo a intercepta un transporte di droga riba laman Caribe.
Zr.Ms. Groningen cu apenas tabata 24 ora riba laman cu su patruya a keda informa pa Wardakosta Caribe Hulandes tocante un go-fast sospechoso. Groningen a lansa e dos botonan rapido mesora, e asina yama FRISC, pa por stop e go-fast. E cuater sospechosonan riba e go-fast a keda completamente sorprende y a entrega nan mes inmediatamente. E captura aki un biaha mas ta e resultado di un colaboracion intensivo hunto cu WardaCosta Caribe Hulandes y e barco patruyero di Marina Real Hulandes, cu tin abordo un ekipo di ‘Fleet Marine Squadron. E sospechosonan y e contrabanda a keda entrega na WardaCosta Caribe Hulandes despues di e interseptacion. Un total di aproximandamente 500 kilo di marihuana a keda confisca cual entretantu a keda destrui.
Zr. Ms. Groningen for di mei 2023 ta activo como barco patruyero den Region Caribe y ta combina operacionnan anti droga cu sosten di WardaCosta Caribe Hulandes y asistencia humanitario den e region Caribe.
