E Barco di Marina Hulandes Zr.Ms. Groningen den combinacion cu Warda Costa Caribe Hulandes, riba diadomingo mainta trempan 16 di juli 2023, a stroba un transporte di droga durante cual un gran cantidad di narcotica a keda intercepta.
E Barco Zr.Ms. Groningen a ricibi un notificacion di Warda Costa, tocante un boto sospechoso den laman Caribe. Cu asistensia di e avion Dash-8 di Warda osta, Groningen a drenta accion mes ora, y durante henter anochi a sigui e go-fast.
Durante e persecusion cu dos boto di intercepcion, tipo FRISC, di Groningen, e go-fast a cambia di rumbo pa asina purba di hui. E contrabandistanan a tira bari di combustibel y tambe paketenan di droga den laman, ya asina nan por a gara velocidad. Despues di un persecucion largo e go-fast a logra scapa.
Durante e accion di buskeda cu a sigui, mas cu 50 pakete cu alrededor di 1600 kilo cocaina, a keda saca for di lama. E contrabanda a keda confisca y entrega na Cuerpo Policial Corsou, na unda finalmente esaki a keda destrui.
