E barco di Marina Hulandes Zr.Ms. Groningen riba 24 di Mei a deteca un transporte di droga. Den Lama Caribe e barco patruyero a sabi di detene un ‘go-fast’ y detecta un cargamento di 300 kilo di cocaina.
Despues di un patruya, un avion patruyero di Wardakosta Region Karibe a detektá un ‘go-fast’ cu cuater ocupante, na e parti Nort Oost di Aruba. Despues di esaki Zr.Ms. Groningen a involucra e helicopter MH-65 Dolphin di Warda Costa Mericano, cu actualmente ta na bordo di e barco patruyero. Despues cu e helicopter a encontra e contacto y a duna algun señal pa stop, e ‘go-fast’ no a stop. Pa e motibo ey a efectua tironan di advertencia, despues di cuater ocupantenan a entrega nan mes.
Pa por a detene e ocupantenan dos boto di intercepsion rapido (FRISC) a keda lansa den lama. E abordahe a keda ehecuta pa un team combina di Law Enforcement Detachement (LEDET) di Warda Costa Mericano y e propio Fleet Marine Squadron (FMS). E ocupantenan y e contra banda despues di esey a keda entrega na un barco di Warda Costa Mericano pa huicio na Estado Unido.
Zr.Ms. Groningen for di Aprel 2022 ta aktivo atrobe den e region como barco patruyero pa Region Caribe, pa operacionnan antidroga.