E barco Marinero Hulandes Zr.Ms. Friesland, den un tempo cortico a detecta un di dos y di tres transporte di droga. Tambe el a logra salba un boto, cu Warda Costa Region Caribe Aruba, bou di di guia di Ministerio Publico ta bay sigui investiga. E barko patruyero durante un luna y mei a forsa cuater asina yama ‘go-fast’.
E di dos y di tres contacto a keda descubri pa avionnan di patruya maritimo di Wardak Costa Region Caribe hunto ku Warda Costa Mericano (USCG-US Coast Guard). Cu e barco di patruya rapido, FRISC, cu abordo un ekipo combina di e tripulacion di barco, USCG y tambe Skuadron di Infanteria di Marina, a persigui e ‘go-fast’ nan. A consecuencia di esaki e pasaheronan a dicidi di entrega nan mes. Tur e paketenan a keda confisca y e pasaheronan di e ‘go-fast’ nan a keda detene.
Durante e prome deteccion a confisca mas o menos 500 kilo di droga. Tres dia despues na e di dos deteccion a haña y confisca mas o menos 350 kilo droga. E boto sospechoso cu a keda salba pa Zr.Ms. Friesland a keda di tow y hiba Aruba, caminda a entrega esaki na Warda Costa Region Caribe na Aruba pa mas investigacion. Einan a haña un gran cantidad di pakete cu posiblemente droga. Zr.Ms. Friesland ta activo desde januari 2022 komo barco patruyero den region Caribe y ta intercambia operacionnan anti droga cu sosten na Warda Costa Region Caribe. Na total awor aki tin mas o menos 1075 kilo di droga cu a keda detecta.