E sorteo di e weganan di 4 cifra, cu ta tuma luga live na Telearuba, den e oranan di merdia y anochi, ta permiti cu hopi mas hungado por tin mas chens pa gana. Durante e sorteo di Zodiac di Merdia di diadomingo ultimo, un di e hungadonan di Lotto, cu a dicidi di cumpra su numbernan pa sorteo di merdia, a gana 250.000 florin.
Milda B. a cumpra su ticket cu e numbernan di suerte, 6227, signo di Sagittario, na Bo Skina di Suerte na Noord y a logra cuadra e numbernan y e signo cu esun ganado, ganando asina e suma di 250.000 florin.
Di e forma aki Zodiac su sorteo di merdia ta parti un tremendo premio y ta felicita Milda B. cu e suma di 250 mil florin, hungando Zodiac Merdia.
Lotto, e loteria di Aruba tin diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.