FLORIDA, Merca – E brote di Zika di 2016 na Florida no a debe na un introduccion unico y na un propagacion posterior di e virus, sino mas bien na por lo menos cuater evento separa, investigadornan a reporta.
Ora a analisa e material genetico di e virus di Zika haya den e personanan y den sanguranan di Florida, cientificonan tambe a conclui cu e transmision local di e virus di Zika probablemente a cuminsa den e primavera di 2016, prome cu a confirma e prome caso local.
E investigadornan a bisa cu tambe nan a descubri cu e tres di e eventonan di Zika cu a afecta Florida, a propaga atrabes di e islanan di Caribe prome cu nan a yega e estado aki. E di cuater a propaga via Centroamerica, autornan di e estudio a indica. Basando den su hayasgonan, e investigadornan ta kere cu pa e aña aki por produci un patronchi di nobo parecido di transmision di Zika na Florida.
Tin varios rason cu Florida por ta probablemente un luga apropia pa e brotenan di Zika na Merca, e codirectora di e estudio,. Sharon Isern, di e Universidad di Costa di Golfo di Florida, a bisa.
E factornan aki ta inclui e clima y e abundancia di sangura Aedes Aegypti, cu ta portadornan di Zika. Ademas, hopi hende di e zona di Miami, ta biaha na paisnan unda cu Zika ya a establece na Latinoamerica y Caribe.
Aunke e virus di Zika no ta perhudicial pa mayoria di e personanan, por provoca keintura, rash, dolor di cabez y dolor den e joints y musculonan. Pero ta supone un riesgo significativo pa muhenan na estado, pasobra e virus por provoca microcefalia, caminda cu e babynan ta nace cu e cabes y celebro poco desaroya. E estudio nobo a aparece dia 24 di Mei, den e revista Nature.
Fuente: medlineplus.gov