Rafael Estrada di San Nicolas Businesss Association ta splica tocante e ultimo desaroyonan pa cu e proyecto di Fast Ferry.
Sr. Estrada ta cuminsa na splica cu Zaira Pourier, un hoben profesional cu ta bin di San Nicolas, y den cuadro di e desaroyo di San Nicolas, a duna su aporte na e proyecto di e Fast Ferry. Semper a boga pa San Nicolas ta e punto di salida di e Fast Ferry.
Pa esaki Zahira kier a duna su aporte na e reconstruccion di San Nicolas. Di un di e terenonan cu tin disponibel, Zaira a traha e parti logistico cu el a entrega y asina slaag cu un porcentahe halto (8.5). Sr. Estrada ta contento cu esaki ya cu su aporte ta agrega un idea mas na kico por bay bin na San Nicolas. Su idea ta pas den e National Transformation Map cu San Nicolas Business Association, a trabes di nan miembro di Hunta di Directiva, a desaroya. E ta crea un momentum mas na e proyecto di Fast Ferry.