Yvonne Webb-Kock: Monumentenbureau cu evento special dia 11 di September

Monumentenbureau lo bay tin un evento special cu lo tuma luga dia 11 di September, cual ta e ya conocido Paseo Monumental. Segun directora di e departamento, Yvonne Webb-Kock, aki a haci anuncio di un di e proyectonan hopi importante di Monumentenbureau, cual ta Paseo Monumental. Di parti di e ministerio por mira diferente partner den monumentenzorg y tambe Monumentenfonds y tambe monumentenraad, cu ta traha hunto pa trece dilanti e importancia di conservacion di e monumentonan y tambe e historia tras di esaki. Un aplauso ta bay naturalmente na e partnernan cu a mira e importancia di e proyecto aki. Un proyecto cu ta envolvi actividadnan cu famia completo, dia 11 di September, cu ta pone pa yega mas cerca di historia di nos Aruba.
AAA ta un di e sponsornan grandi pa e evento di dia 11 di September. Tin cu menciona tambe Aruba Bank, cu semper ta contribui na eventonan cultural. Ainda nan ta contribui na e evento aki, cual anuncio tabata dialuna. ATA tambe ta contribui pa e evento aki. Webb-Kock a splica cu ta na 20 aña di existencia di Monumentenbureau y Monumentenfonds. Semper ta organisa un dia, cual ta Paseo Monumental, cual ta habri porta di e monumentonan cu pueblo por waknan di paden. A yega di bay Playa, San Nicolas. Ultimo tempo ta scoge topiconan pa e Paseo Monumental. Algun aña pasa tabata tin Tecnicanan di Restauracion, unda cu tur e arkitectonan cu a traha cu Monumentenbureau, a elabora y splica pueblo kico por y no por cu un monumento. Nos monumentonan ta parti over di full Aruba y a bisa ultimo biaha cu lo bay haci un evento hopi grandi. E biaha aki lo bay ta riba full Aruba.
Tin di compronde cu no por cana mas, si ta trata di full Aruba. Pesey a dicidi cu lo haci’e cu auto e biaha aki. E lo bira un Car Rally, pero alabes un speurtocht. Den e topico cu a scoge pa e aña aki, ta e topico di Elementonan Monumental unico cu tin na Aruba so. Ta enfatisa Aruba so, pasobra e no ta riba e otro islanan. E evento ta pa full famia participa. Dus acerca bo mama, bo tata, pero tambe bo welo y wela y e yiunan pa tur hunto bay den auto participa. Bosonan por forma gruponan di trabao tambe si boso kier. Forma bo gang, bin na Schelpstraat y participa.
Dia 11 di September, ta cuminsa pa 9’or di mainta den Schelpstraat, dilanti di oficina di Monumentenbureau. Tur hende ta bay haya un buki, unda ta parti informacion cu comunidad over di e elementonan unico. Ora cu wak den dje, ta bay mira cu tin elementonan cu a pinta di por ehempel nos casnan floria. Lo bay elabora riba cas di torto, ta bay elabora riba cas di cunucu. Lo bay elabora riba fogonnan. Ta bay elabora riba neo-baroque. Tin diferente topico cu lo bay elabora unda cu ta parti e conocemento cu tin na Monumentenbureau cu comunidad, segun Yvonne Webb-Kock.

Comments

comments