Nos a papia cu Yvette Camero, kende ta directora general di e despacho di ministerio di comercio exterio y inversion internacional di Venezuela, caminda el a splica cu a duna inicio na un actividad hopi importante pa ambos pais, pa e acercamento di relacionnan comercial y di hermandad cu ta existi entre Aruba y Venezuela. E rueda di negoshi entre empresarionan di Aruba y Venezuela, kendenan ta den un espacio adecua pa estrecha e lasonan comercial y e lasonan economico entre ambos pais.
Tin dos tipo di actividad cu a tuma luga. Actividad di importacion y exportacion di ambos pais y ta inversionistanan di ambos pais, segun Camero. E idea ta cu esaki ta bidireccional. Es decir cu nan ta reuni den un espacio organisa pa autoridadnan di ambos pais. E empresarionan cu tin intencion di negoshi, sea di inversion, exportacion, importacion di ambos pais.
Ta papia aki di mas of menos 75 pa 80 empresario Venezolano ta na Aruba y un acredication di empresario y inversionistanan di Aruba.
Segun Camero, debi na e cercania cu ta existi entre Venezuela y Aruba y pa e condicionnan economico di ambos pais, tin e potencial di produci hopi di e demanda di productonan cu Aruba tin. E oferta exportabel ta amplio. Cualnan ta biennan cu por cubri na Venezuela na un prijs hopi mas accesibel y rendabel pa e necesidad di Aruba. E ta inmenos, segun Camero. Y mesun cos ta sosode cu respecto di Aruba, cu e potencialidad di inverti tambe den negoshinan na Venezuela. Esey ta e idea pa nan haya inversionistanan potencial di Venezuela y di Aruba cu por eventualmente habri algun tipo di negoshi den cualkier di e paisnan.