HALSTAD, Minnesota – Un YouTube stunt, unda cu cu el a purba di proteha su mes cu un enciclopedia contra di un bahal, a costa bida di Pedro Ruiz III di 22 aña for di Halstad, Minnesota. E tirado: su amiga na estado, Monalisa Perez, di 19, kende, hunto cun’e, tin un canal di YouTube.
Tabata tin tambe un otro testigo: e yiu muhe di 3 aña di e pareha, segun varios media Mericano.
E dosnan aki tin un canal riba YouTube, unda cu nan tabata eherce un ke otro stuntnan peligroso, pa por logra haya mas tanto hende posibel pa mira. Cu esaki, nan tabata mas of menos exitoso: te asina leu, e canal a yama mas of menos 2000 subscridor.
Nan ultimo idea: Pedro lo a laga tira su mes cu un arma di candela, un Desert Eagle, un di e armanan mas poderoso cu por tin. Cu esey su unico proteccion lo ta un buki hopi diki. Un prueba caminda e kier confirma cu un bala no por perfora. E duo a pone dos camara y a tweet di antemano, cu ta nan lo bay graba e “video di mas peligroso”.
Dialuna, el a bay completamente robes. For di un distancia di mas of menos 30 centimeter, Monalisa a tira riba e buki, cu tabata dilanti di e pecho di su amigo. E bala a perfora e buki y a alcansa pecho di e hoben. Esaki a fayece na e sitio.
Fuente: www.telegraaf.nl