E mesun plataforma a confirma e fayonan a traves di su cuenta di Twitter. Entre e teritorionan mas afecta ta den algun region di Merca, Europa y Suramerica.
E plataforma di video Youtube a sufri caida cu a afecta usuarionan rond mundo.
Segun e datonan di website Downdetector, e zonanan mas afecta ta Merca, Europa, Suramerica, Mexico y algun parti di Asia y Australia. E portal di video a cuminsa sufri inconvenientenan diamars anochi.
Segun e medio, un 44% di e usuarionan di Youtube a experimenta problemanan na momento di wak video, u 37% no por a habri e pagina di e plataforma y un 17% no a logra di tin acceso na nan cuentanan.
E mesun plataforma a confirma e fayonan a trabes di su cuenta di Twitter. “Nos ta trahando pa resolve esaki y nos lo laga boso sa una bes e problema aki wordo soluciona. Nos ta pidi nos disculpa pa cualkier inconveniente cu esaki por a causa y nos lo mantene boso informa”, e plataforma a bisa den un comunicado.
Sin embargo, no a duna detaye riba e posibel causa di e problema riba dicho plataforma.
Mientras tanto varios usuario a recurri na Twitter pa reporta e problema di acceso di funcionamento di Youtube y haci joke over di e fayo.
Pero poco poco e servicio a bin bek, caminda usuarionan por a accede na nan cuentanan.