MERCA – YouTube a cuminsa diamars den permiti personanan popular di video online cu ta wordo transmiti uzando dispositivonan mobil, dunando Facebook y twitter un desafio nobo den e area di transmision en bibo.
YouTube, propiedad di Google, a stop desde seis aña pasa transmiti videonan en vivo for di computer, incluso a haci’e cu debatenan presidencial di Merca.
E funcion nobo ta permiti e creadornan di contenido di YouTube cual canalnan tin mas di 10 mil subscriptor transmiti atrabes di aplicacion di dispositivonan mobil como smartphones, segun directornan di producto, Barbara Macdonald y Kurt Wilms.
“Ta un lansamento cu por pone e poder di transmision en bibo den man di cientos di miles di creadornan talentoso, dunandonan un forma mas intimo y spontaan di comparti nan pensamento, nan biba y nan creatividad,” Macdonald y Wilms a bisa den un publicacion den un blog.
E funcion nobo lo ta disponibel riba YouTube di forma mas amplio pronto, a priminti. Tanto Facebook como Twitter ya a agrega e capacidadnan aki na nan aplicacionnan mobil, lagando YouTube atras.
Na December, Facebook a cuminsa purba un servicio di streaming di audio en bibo cu lo permiti hende basicamente transmiti como si fuera un radio online.
E caracteristica nobo a presenta como un alternativa na e herment di Facebook Live, cu ta permiti personanan transmiti video en bibo.
E herment di transmision di audio online a priminti ta util den areanan unda cu rednan di telecomunicacion tin problema pa maneha demandanan grandi di dato di streaming di video.
Fuente: NTN24