Observatorio di Internet a confirma cu e plataformanan di YouTube, Google apps y Bing a keda restringui pa e empresa proveedor di internet na Venezuela ABA CANTV, den otro forma mas pa silencia presidente Juan Guaido. “E datonan ta mustra cu e proveedor estatal ABA CANTV (AS8048) tin e acceso restringir pa YouTube, varios servicio di Google y Microsoft Bing for di ayera 1:35 di merdia. E blokeo nacional ta cai pareuw cu e discurso transmiti live dor di Juan Guiado for di Plaza Bolivar na Chacao, asina a wordo informa. Alavez ta sigui bisa cu e interupcionnan aki ta continuo despues di cada discurso di Guaido durante reunionnan di Asamblea Nacional. Segun a wordo informa Venezuela a sufri problema caba cu internet durante e dianan cu coriente a bay den henter e pais den luna di Maart ultimo. Pero e filter di medionan di comunicacion y websitenan a keda online durante henter e periodo aki y e censura contra Guaido a cuminsa bek den gran parti di e pais ta sigui manera cos di tur dia. Pues cueste loke cueste Gobierno di Maduro ta busca tur manera pa sigui cu su regimen di dictador y aisla Venezuela totalmente di mundo exterior.