Diaranson anochi YouTube a haya su mes cu problema tecnico segun reporta riba Twitter, varios usuario a raporta cu YouTube no tabata funciona. Downdetector, un website cu ta analisa reportahenan di usuarionan di rednan social, a identifica un avalancha grandi di usuario cu tabata tin problema cu YouTube, YouTube TV, YouTube Music, rond 7’or di anochi. Algun servicionan di Google tambe a experiencia algun problema na mesun momento, incluyendo Google search y Google Play.
E problemanan tabata mas concentra na Merca, particularmente parti noord oost, algun parti di Europa tambe, Sur America, y Australia. No ta conoci ainda kico e problema ta pero ta parce cu aparentemente tur cos ta bek bao di control despues di algun rato cu e medio grandi aki a shutdown.
Fuente: business insider