Aruba Art Fair 2018 ta tras di lomba y a resulta di ta un manifestacion di Arte den su totalidad, danki na e empeňo di maestronan, mayornan y di e artista hoben cu amor pa arte.
Mas di 25 scol a participa trahando obranan fantastico riba tres canvas duna na nan di 2 x 1 meter, na unda e hobennan a trese lo mas precioso di loke den nan mente y curason ta e Tradicionnan di Aruba. Scolnan cu pa prome biaha a participa ta Scol Paso pa Futuro cu a sa di entrega un bunita piesa di Dera Gay.
Den e mayoria e hoben a concentra riba Dera Gay como e focus mas grandi cu ta e tradicion di Arubianonan, pero tambe e interes a bay na Fin di Aňa y Carnaval. Y tambe e famia den su totalidad. E beachnan blanco y e manera pa conserva esaki tambe a bin dilanti. Desde January lo tin un Expo di e obranan den Cas di Cultura y pa luna di Juni e Expo di Dera Gay tambe lo ta habri pa publico por aprecia e obranan di nos talentonan hoben y glamoroso.
E interes di e scolnan ta halto y ya caba na luna di Maart lo aserca e mayoria pa participa sea den pintura of otro forma di arte. Pa 2019 e hoben talentoso Jody Leaňez lo ta e persona encarga hunto cu un team grandi di voluntarionan pa dirigi, forma y ehecuta Youth Art Fair. E intencion ta pa laga e Feria aki di Hobennan crece den talento y den magia.
Aruba Art Fair ta orgulloso di a organiza Youth Art Fair.
E hoben artista Davina Robles a trese 7 bunita piesa cu e la crea durante anjanan y esun mas menciona tabata e Blenchi. Davina ta crea arte den colornan bibo y yamativo y ta concentra riba e naturalesa di Aruba. Un hoben cu ta dedica na Arte y deporte. Davina ta den e TOP 5 di Track running y esaki entre e hende grandinan.
Noor Pieterse, Angelina Arens, Daimerly Gibbs, Eefje Steeghs
Mia Bella Dragonetti Meza, ta entre otronan artistanan cu a participa.
E hoben Christiaan Ponse tambe a resalta cu su pinturanan y su manera di trese arte como si fuera e ta biba y por sali na cualquier momento di e pintura.
Prometedor ta e artista hoben Ivy Ann Bryson, cu a reflega sublime obranan cu un mensahe puro y divino. E hoben ta capta e escencia di su idea y pensamento den e forma bibo di Arte. E manera cu e hoben aki ta trata su obranan, su empake y dedicacion y amor na conservacion di cada piesa a hala masha atencion. Pero tambe su manera di crea obranan di interes manera e Unicorn cu ta honra su presencia den e galería di ArtisA na San Nicolas.
Pa 2019 e hoben talentoso Jody Leaňez lo ta e persona encarga hunto cu un team grandi di voluntarionan pa dirigi, forma y ehecuta Youth Art Fair. E intencion ta pa laga e Feria aki di Hobennan crese den talent y den magia.
Aruba Art Fair 2018, tabata posible atravez di Partnership cu entre otro, Aruba Tourism Authority Sui Generis, Prins Bernard Fonds Caribe, Unoca, Divi Resorts Aruba, Kooyman BV, AIS, Aruba Hyatt Resorts & Casino, Departamento di Cultura (DCA) y VNO.
Pa mas info bishita www.arubaartfair.com of mail [email protected].