Head of Delegation Sra. Monique Ras y Coach Edgar ‘Gachi’ Erasmus a duna nos un poco informacion ariba e prome dianan di e International Friendship Camp 2018 na Moscow-Russia. E prome dianan di camp a bai hopi bon mes. Nos Young Ambassadors Jahmani Eisden y Sheqayli Ascencion a participa den diferente workshops, team building training, y tambe training riba tereno. Ariba e prome dia tabata tin e apertura y e participantenan a ser conoci cu otro y nan a hasi diferente actividadnan informative y educativo y nos Young Ambassadors a haya oportunidad di conta con nan a prepara pa jega Moscow pa participa na e F4F Children’s Social Program. Ariba e di dos dia di Camp Sheqayli a haya les di periodismo y Jahmani training riba tereno cu su team Grevy’s Zebra, preparando asina pa e Football for Friendship World Championship 2018. Nos young journalist Sheqayli Ascencion a haya e oportunidad pa sali den un promotional video di F4F hasiendo su trabao como reportera y ta hasi entrevista cu algun young football players y tambe atletanan grandi cu ta duna sosten na e F4F Children’s Social Program. Den e video aki tambe por mira Sheqayli ta entrevista nos young football player Jahmani Eisden. Nos ta sumamente orguyoso di Sheqayli y nos ta sumamente contento y orguyoso con nos Young Ambassadors ta destaca entre 211 pais cu ta particpa den e programa F4F Children’s Social Program na Moscow-Russia.
Pa tur informacion di e eventonan di F4F, por follow nos young ambassadors via nan Instagram y Facebook page y tambe Arubaanse Voetbal Bond su website y FB page y tambe e Football for Friendship social media pages (Instagram, Facebook, Twitter y Youtube). Por contact nos young journalist Sheqayli Ascencion via number di Digicel 7312018 pa mas informacion.