YMCA un biaha mas mester di nos tur. Directora di YMCA Aruba, Rachel Croes ta splica mas ariba e necesidad cu nan tin mester.
YMCA ta invita tur celebridad di Aruba y esunnan cu ta considera nan mes un celebridad pa sostene YMCA otro siman diahuebs, pa nan recaudacion di fondo anual. E telethon ta sumamente importante, ya cu esaki ta recauda fondo pa sostene e comunidad di Aruba, por medio di nan diferente proyectonan cu nan tin.
E meta di YMCA ta pa recauda 100 mil florin y si nan logra mas cu esey, e lo duna nan e posibilidad pa cuminsa proyectonan nobo den comunidad. E necesidad cu tin aworaki ta pa sigui cu e proyectonan cu nan tin.
E fundraising ta yuda pa nan sigui den na rol di organisacion y nan proyectonan. Un di nan proyectonan mas grandi ta e Afterschool program, camping di 6 siman, progessive education program, golden ages grou cual ta nos personana di edad, y tambe proyectonan di sport. Pa tur esakinan nan mester di fondo pa sigui cu e proyectonan aki, pa cubri e gastonan encera.
Tin basta interes pa programanan di deporte. Y door di remodelacion, programa di deporte a stop na Dakota y segun Sra. Croes, ta bezig pa cuminsa bek cu esaki. Pa loke ta e Afterschool program tin hopi interes. YMCA Dakota tin rond di 60 mucha pa e e Afterschool Program, na San Nicolas ta mas o menos 90 mucha. Pa loke ta e Easter program a tene na 75 mucha y pa e Summer Camp ta dura cuater siman largo y esaki ta lanta hopi interes den e muchanan, segun directora di YMCA Sra. Rachel Croes.