Despues cu e telethon di YMCA a tuma luga, caminda cu nan no a logra e meta pero si kier traha pa haya e suma di 100 mil florin. Tur hende cu kier yuda por haci esaki segun Sra. Rachel Croes, directora di YMCA.
E telethon a bay a bon, segun Sra. Croes, aunke cu nan no a logra yega na e meta di 100 mil florin, pero si a logra surpasa e suma di 70 mil florin, cual ta yuda toch hopi. E motibo pa cual cu nan mester di e suma di 100 mil florin ta pa yuda cover nan gastonan, specialmente nan Y’s Care Program. Esaki ta un programa di dialuna pa diabierna, cu hopi mucha, tanto na Dakota y na San Nicolas. Y e gastonan cu ta bin derbij ta halto y e suma aki lo yudanan cover e gastonan pa nan por sigui funciona.
YMCA tin un demanda grandi, vooral na YMCA pa e grupo di muchanan mas hoben, tabata tin asina hopi aanvraag cu lastima no por a tuma mas mucha, pa rasonnan di siguridad. MEster tin tanto leiders pa tanto mucha pa tene sigur y pa yudanan den nan desaroyo. Y lastima nan mester a stop di tuma mucha.
E demanda ta halto, y sigur comunidad no kier muchanan ariba caya, pero door di e Ley di Kinderopvang, unda cu YMCA como organisacion nan mester wak con nan mester adapta nan mes na e cambionan y kico ta consecuencianan prome cu bin cu un plan di aanpak nobo.
Segun Sra. Croes, e suma recauda den e telethon ta yuda un parti y nan mester bay organisa un otro fundraising den un futuro cercano, unda cu na su debido tempo lo informa comunidad di esaki. Aworaki YMCA ta bezig ainda cu e “achterwerk” di e telethon ya cu ainda nan ta bezig ta colectantdo e loke e personanan a dicidi cu nan kier yuda cun’e.
E goal di e suma cu nan mester, dus e 100 mil florin ta pa yuda YMCA cubri e gastonan cu nan tin como organisacion. E gastonan ta mas halto cu loke nan ta ricibi na pago di parti di mayornan. Lo tabata deseabel pa a ricibi mas placa pa asina por bin cu proyectonan nobo pa e comunidad.
E problema social na Aruba, compara cu otro paisnan, e tin su diferencia, vooral si wak Haiti y Africa y ta papia di pobresa, ora cu wak Aruba no necesariamente ta papia di pobresa mientras cu si tin pobresa na Aruba, aunke ariba otro nivel.
Tin casonan di negligencia di mucha, tin muchanan cu riba nivel social, desaroyo social no ta bay bon. Hopi di e muchanan di awendia tin problemanan di agresividad. E necesidad ta halto, y por wak esey ariba e cantidad di muchanan cu ta cana ariba caya. Sra. Croes ta splica cu por inscribi un mucha na YMCA y e ta haya ayudo y guia unda ta traha ariba su desaroyo di caracter. E tin un luga sigur unda cu e por pasa su oranan liber.
Tin varios organisacion na Aruba, tin diferente Centro di Bario y si tur traha hunto, e muchanan no mester ta ariba caya.
Kisas ta sinti cu e muchanan cu ta falta hopi di guia cual ta pone cu e muchanan ta bay ariba caya, aunke segun Sra. Croes, di YMCA, e ta algo cu ta varia hopi. Mester wak’e segun caso specifico. Tin ta bay bon, y bo ta haya algun te anochi laat ariba caya. E ta varia hopi, dus por bisa, specificamente, mester bisa, lo mester wak e resultadonan di e investigacion na Aruba.
YMCA ta habri di dialuna pa diabierna, di mainta trempan te cu atardi. Tin diferente proyectonan cu nan ta bezig cun’e. Nan tin diferente campingnan, y esun cu ta biniendo ta esun di Summer Camp. Tambe YMCA ta van plan den futuro, den weekend, por bay haci hopi actividad unda cu nan ta bin e centro den fin di siman, y haci actividadnan deportivo y asina ey yudanan den nan desaroyo tambe, segun Sra. Rachel Croes, directora di YMCA Aruba.