FLORIDA, Merca- Autoridadnan Mericano a informa di e aresto di e dos yiu hombernan di ex presidente Panameño Ricardo Martinelli, Ricardo Alberto y Luis Enrique, den e area d Miami (Florida), pa motibonan migratorio.
“E Oficina di Inmigracion y Aduana (ICE) a aresta dos persona di nacionalidad Panameño Luis Martinelli-Linares y Ricardo Martinelli-Linares, presente ilegalmente na Merca, durante un durante un operacion na Coral Gables, Florida, dia 20 di november”, Bryan Cox, vocero di e agencia Mericano, a señala.
Den e sentido aki, el a precisa cu e yiunan di Marinelli tabata den e pais di forma ilegal y cu esaki ta e motibo di nan aresto.
Ambos ta bou custodia di ICE den e centro di detencion di Krome, zuid di Florida, sperando cu nan situacion huridico wordo resolvi den un tribunal migratorio”, e vocero a agrega.
“Ambos homber a drenta Merca legalmente, sin embargo nan visa a keda cancela na 2017 y nan a keda di forma ilegal na Merca for di e momento ey”, e vocero a declara.
E yiunan di e ex presidente a wordo deteni diamars den e residencia familiar na Coral Gables, ciudad di e condado di Miami- Dade, cerca di Miami.
Un fuente cercano na e famia a indica cu ” e dos hobennan aki no tabata di bay scapa”, sino cu nan tabata di ” bay keiro den nan yate manera cu nan ta haci semper”, a pesar di e cu prensa a señala cu nan a wordo deteni ora cu nan tabata di bay subi e barco “White Shark” den e malecon di e cas familiar na Coral Gables.
Gobierno di Panama a solicita na juni ultimo, e extradicion for di Merca di e dos rumannan Martinelli pa nan responde na un presunto caso di soborno di e multinacional Brasilero Odebrecht.
E dos yiu hombernan di e ex presidente Martinelli, cu tin un yiu muhe tambe, ta entre e 63 personanan procesa na Panama pa e caso Odebrecht.
E ex presidente Ricardo Martinelli (2009-2014) a wordo extradita pa Panama na juni ultimo for di Miami, unda e tabata deteni pa un aña, pa responde pa e delito di interceptacion ilegal di comunicacion y enrekisimento ilicito, pa cual el a wordo deteni na 2017 den su cas na Coral Gables.