GEORGIA, Merca- Segun un rapport di polis, e victima a yega cas for di su trabao0 cu su dos yiunan chikito, algo prome cu 3 or di marduga, dia 12 di Mei. den su cas e ta bin encotnra dos hende homber.
E muhe a conta polis over di e dos intrusonan, identifica pa polis como Fransisco Palencia di 17 aña y Jose Ramirez di 19 aña. E dosnan aki a hink’e varios biaha cu’n hangua cu calmante y a push’e den direccion di camber. El a purba pa resisti, y a cana bay direccion di su dos yiunan, segun e rapport di polis. Eynan ta caminda cu un di e atacantenan a tira dos wea di awa herbi ariba dje.
Dado momento e otro homber a pusha e mama den direccion di e camber, a fors’e pa kita su paña y a abusa di e señora. Mientras tanto, e otro sospechoso cu a tira e awa herbi ariba dje, a reboltea su cas.
E yiu mas chikito di e señora tabata sinta den su car seat banda di cushina durante e atake, y su otro yiu a siguinan den e camber, y a presencia e atake sexual
Investigadonan a bisa cu e mama a sufri kemaduranan na su nek, su schouder robes y su brasa robes.
E victima a conta polis cu su caha di joyas y su identificacion escolar tabata entre e articulonana cu e abusadonan a bay cun’e. Tambe el a bisa cu su cacho tambe ta perdi.
Polis a aresta Palencia y Ramirez, como tambe un mucha muhe di 15 aña, kende su identidad no ta conoci. Tur ta wordo acusa di un serie di cargonan, incluyendo abuso, sodomia, secuestro, invasion di cas y crueldad pa cu e muchanan.
Fuente: www.fox10phoenix.com