Diamars cu urgencia unidad di ambulance y polis a keda dirigi pa un cas na Booby Hillweg na San Nicolas debi cu un persona a keda hinca. E prome patruya di San Nicolas cu a acudi na e sitio a keda informa cu un mama lo a stroba e yiu di pone fin na su bida y a actua rapidamente. Aki a start un discusion den e cas entre e mama pa stop e yiu muhe cu tabata hincando su mes cu cuchiu. Den e discusion e mama a haya un hinca den su brasa, despues e yiu a hinca su mes den pecho. Tur dos persona a resulta seriamente herida. Recherche a keda poni na altura y a presenta y polis tecnico pa saca potret di e sucedido. A pone Slachtofferhulp na altura.