MEXICO CITY, Mexico – Mario Arturo Moreno Ivanova, yiu homber di e actor Mexicano Mario Moreno “Cantinflas”, a fayece door di un atake di curason cu el a sufri na su cas den e capital, su publicista a informa dialuna.
Den un mensahe publica riba rednan social, e publicista Emilio Morales a confirma cu Moreno Ivanova, di 57 aña, tabata “victima di un infarto fulminante den su cas den Ciudad di Mexico.”
El a añadi cu na e momentonan aki, e viuda di e fayecido, Tita Marbez, ta apoyando riba “cuestionnan di papeleo,” y cu den e proximo oranan lo proporciona mas informacion riba ki dia y unda e entiero lo tuma luga.
Tras di e morto di Cantinflas (1911-1993), Moreno Ivanova, unico yiu di e actor, a drenta den varios probema legal pa e derecho di e pelicula cu Eduardo Moreno Laparade, e sobrino di e artista.
Den varios ocasion el a denuncia e existencia di “fundacionnan apocfiro” cu tabata purba di uza e nomber di su tata, entre nan e Fundacion Mario Moreno, crea y dirigi pa Moreno Laparade y su yiu homber Mario Eduario Moreno Goiricelaya.
Moreno Ivanova a sufri un duro golpi na 2013, ora cu nan a haya su yiu homber morto, kende tabata sufri durante varios aña cu problemanan di drogadiccion.
Fuente: http://www.ntn24.com