MADRID, Spaña- Polis Spaño diaranson a detene e empresario Jose Roberto Rincon, yiu di e magnate Venezolano Roberto Enrique Rincon Fernandez. E detencion ta relaciona cu’n operación contra labamento di placa procedente di e petrolero estatal Venezolano, PDVSA.
E detencion a wordo haci door di agentenan di e Unidad di Delincuencia Economico y Financiero (Udef) di polis Spaño, den coordinacion cu e Departamento Anti Corrupcion riba ordo di e Husgado di Instruccion nr. 27 di Madrid.
Jose Roberto Rincón, segun fuentenan consulta pa e corant Spaño ABC, lo a laba miyones di euro procedente di PDVSA na Spaña. Esaki lo a tuma luga mediante e compra di propiedadnan.
E mesun corant a publica cu Rinocn tin varios sociedad na Spaña cu lo por a wordo uza den e operativonan di labamento di placa. E agentenan a realisa varios invasion buscando documentonan cu por resplada e pruebanan acumula ya caba pa investigadonan.
E caso a cuminsa despues cu e hues di Audiencia Nacional Carmen Lamela, cu na juni 2017 a coordina cinco registro na Madrid den un investigacion di e husticia Portugues riba e supuesto desviacion di casi 6 biyon euro for di PDVSA na directiva di e Ministerio di Energia di e pais aki, di cual 3 miyon a termina na Spaña, segun EFE.
E instruccion a cuminsa pa e denuncianan pa labamento di placa contra di e directiva di e petrolero estatal den tempo di Hugo Chavez. Un di e principal sospechoso tabata ex presidente di e compania y embahador na ONU, Rafael Ramirez.
Den e operativo tambe a registra un propiedad di e empresario y bankero Portugues Joao Espirito Santo.