MEXICO – Jesus Alfredo Guzman, yiu homber di Joaquin “El Chapo” Guzman, secuestra siman pasa na Puerto Vallarta, a wordo libera, tres fuente a confirma na CNN.
Un fuente di nivel halto den Gobierno di Mexico a informa di su libertad y un fuente cercano na e famia Guzman a bisa cu e yiu di e capo, secuestra hunto cu 5 persona pa un comando di 7 homber den un restaurant, ya ta na Sinaloa.
Ademas, e periodista Anabel Hernandez, experto den temanan di e narcotrafico na Mexico, a confirma na CNN cu su fuentenan dentro di famia Guzman ta informa cu e yiu di “El Chapo” a wordo libera diasabra.
Segun fuentenan di Hernandez, pa e liberacion a tuma luga tabata tin negociacion.
Nan no a ofrece detaye riba e pagonan specifico, pero si tabata tin algun rekerimento.
Famia Guzman, segun fuentenan di Hernandez, ta pensa cu e lo ta un secuestro den man di e cartel Jalisco Nueva Generacion, manera cu ya autoridadnan di Jalisco a bisa.
Ningun di e fuentenan consulta pa CNN a duna detayenan concreto di e luga ni momento exacto di e liberacion.
Desde e Procuraduria Generla di Republica, cu diahuebs a atrae e investigacion pa delitonan di delincencia organisa, CNN a wordo bisa cu nan no tin informacion oficial cu e personanan aki a wordo libera.
Nan a recorda cu e famianan no a pone ningun denuncia di loke a pasa.
Un di e abogadonan di “El Chapo” a bisa CNN cu e ta desconoce si su cliente a wordo notifica of no riba e situacion di su yiu homber y cu e tema aki no a wordo aborda den un bishita cu el a tene durante e fin di siman.
Jesus Alfredo Guzman ta yiu di Alejandrina Salazar Hernandez, e prome casa di un di e lidernan di Cartel di Sinaloa, Joaquin “El Chapo” Guzman, prezo den un penal di Ciudad Juarez, Chihuahua, y kende ta en espera di un decision hudicial riba si ta procede of no su extradicion pa Merca.
Fuente: CNN en Español