Central ta manda patruya den Pitastraat, caminda cu e hoben GE tabata tabata de remate, y tabata kibrando tur cos den cas y tambe a menasa su mama cu un cuchiu. Eynan a papia cu e mama, kende a declara cu su yiu homber GE di 17 aña, tabata hopi agresivo y a cuminsa kibra tur cos den cas. El a bay sconde den su camber, unda cu GE cu su moketenan a kibra e porta. Alabes e man di dje a keda pega den e porta di manera cu el a haya algun rasca. GE a logra habri e porta y a cuminsa grita contra di e mama: “Bo kier mi mata bo?” Despues GE a bin riba dje cu e cuchiu, y el a purba di defende su mes, pasobra esaki no ta prome biaha cu GE ta menase. Door di esaki GE a lage los y e por a core bay pafo pa e por a huy for di dje. Polis a bay na porta di e partamento y a habri esaki. GE tabata sinta den e sofa y a para di biaha ora cu el a mira polis. A bis’e cu e tabata deteni y a bisa GE pa bay drumi riba vloer. GE a para y a posiciona den forma di pelea y a grita contra polis “Bin no”. Polis a bay riba GE y a mande tera, di manera cu por a pone boei na su mannan. Despues a detene y cu transportwagen a hibe warda, unda cu el a keda presenta dilanti di fiscal auxiliar pa despues encarcela.