Diasabra anochi polisnan a keda dirigi pa un cas na Shiribana cu ta conoci pa nan, unda e yiu conoci pa husticia a maltrata e mama lagando e herida. E mama a keda basta agredi y pa ora cu Polis a yega e yiu homber a bay sconde pa polis.
Ambulance tambe a presenta pa atende cu e mama herida, y e mama a informa polis cu e lo haci denuncia. Polisnan a sali busca e cobarde cu a bay sconde pa nan y den un boto a haye scondi y asina a detene di biaha y a keda transporta pa warda.